ALLAHIN BƏLASI
Sən yağmurlu bir axşam
mən gözləmədən gəldin.
Tanrı duasıydın,
yağış damlasıydın?!
Bilməm…
Allahın bəlası!
Bu yalan deyildi,
amma gəldin;
ağ yuxularıma nağıllardan
gələn kimi
gəldin.
Qorxdum səni sevməyə,
oyanarkən itirrəm deyə.
Bu sevgidən də vaz keçdim,
sevdaların hamısı boş və saxta
hər sevgidə bir aldanış var deyə.
Sən yağmurl bir axşam
mən gözləmədən gəldin.
O axşam göylərə tutmuşdum üzümü
Belə tez gözləmirdim səni
gözləmirdim axı…
Sən hardan gəlib çıxdın,
ALLAHIN BƏLASI?!
***
Bir az dünyaya qarışdı başım,
Bir az göz yaşımla oynadım.
Yaşın sevgi vaxtında dərdə alışdım,
Bir az gicbəsər şerlər yazdım,
Bir az ömrün tənhalığında dolaşdım,
Arada vaxt tapıb qaçdım sənsizliyə
Səni sevməkçün
olmadı,
qurtulammadım.
Bir az Vətən dərdi çəkdim
dərdlərin ən gözəlini.
Bir az gödən dərdi
bu dünyaya üz tutub ağlamaqçün
çəkdiyim əzabların
ən çirkini,
ən əzəli.
Bir az dünyaya gələnlərin qayğısı
qatdı başımı,
Bağlayıb dostların üzünə qapımı
bir az gedənləri unutmaqçün
yas saxladım.
Başım bu dərdlərə elə qarışdı ki,
Sevgi yaşını
Ötürdüm, adladım.
***
Səhərəcən içimdə ulayacaq
tənhalığın xofu.
Lal küçələrdə sənsizlik simfoniyası
çalacaq küləklər.
Gecənin bəyaz qaranlıqları
alacaq ağuşuna dünyanı.
Sabaha qalacaq arzularımın
çoxu.
Unudub hər şeyi
və
təzədən sevəcəyəm
Səni,
Zalım adam.
Gözlərimin yuxusuna
çəkiləcək rəsmin,
Əlin,
üzün
və
cizgilərin.
Sən mələk deyilsən
deyilsən, zalım.
Adam olduğun üçün
günahlarınla,
yalanlarınla
daha gözəlsən.
Rəngsiz, boyasız-
səni olduğun kimi
daha çox sevirəm,
sevirəm ,adam balası.
Çünki sən adamsan.
Sadəlövhlüyündən şeytana uyan,
Allahın sevərək yaratdığı
Adəm babamın
adam nəslindənsən,
adam nəslindən.
Günahkar, yalançı,
xatakar,
hər nəsən…
Adam şəklindəsən,
Adam şəklində.
***
Mənə yalan danış,
aldat məni nolar.
Gözlə- qaş arası qədər
uzaq ol,
sən Allah.
Görüm nə təhər olur,
sənsiz yaşamaq?!
Düz adamlar düzdə qaldı,-
deyərdin.
Düzdə qaldı adamlar,
dünya əyildikcə.
Mənə yalan danış,
aldat,
ovut könlümü
yalan sevgilərlə.
Görüm nə təhər olur,
Sevmək?!
İNANMA MƏN SƏNƏ DÖNƏM TƏZƏDƏN
Çevirmə adətə göz yaşlarını,
Ağlama könlümü ovutmaq üçün.
Min dona, min cildə salma özünü,
Yenidən ömrümə qayıtmaq üçün.
Apardın dünyamı, apardın tamam,
Mən axı, dünyasız neyləyə billəm.
Səndən uzaqlarda sənsizliyimi,
Aylara, illərə söyləyə billəm.
Sən indi mənimçün başqa dünyasan,
Mən də sənin üçün yadam, uzağam.
Nağıllar demisən, nağıllar mənə,
Elə bilibsən ki, körpə uşağam.
Ayrıldıq üz - üzə, səssiz - səmirsiz,
Yolun başında sən, ayağında mən.
Yeriş öyrənirəm yerimək üçün,
İnanma mən sənə dönəm təzədən.
Ağlama könlümü ovutmaq üçün.
Min dona, min cildə salma özünü,
Yenidən ömrümə qayıtmaq üçün.
Apardın dünyamı, apardın tamam,
Mən axı, dünyasız neyləyə billəm.
Səndən uzaqlarda sənsizliyimi,
Aylara, illərə söyləyə billəm.
Sən indi mənimçün başqa dünyasan,
Mən də sənin üçün yadam, uzağam.
Nağıllar demisən, nağıllar mənə,
Elə bilibsən ki, körpə uşağam.
Ayrıldıq üz - üzə, səssiz - səmirsiz,
Yolun başında sən, ayağında mən.
Yeriş öyrənirəm yerimək üçün,
İnanma mən sənə dönəm təzədən.
