QƏHVƏ RƏNGİ : ***

***

Mən sənsiz bu dünyada yadam,
       ay uzaqdan gözlədiyim,
                                            ilahi adam.
Nə yaxşı ki, dünyanın o başındasan
               gözləyirəm səni.
Hara dönüm, harda daldalanım
               sən gələnəcən?!
Gəlməsən,
          gecənin birində
       bezəcəyəm tavana baxıb köks ötürməkdən,
hər gün payız həsrətilə
               durna ötürməkdən.
Gedəcəyəm
           bir yaz yağmuruna bükülüb,
           islanacaq əynim - başım.
Dərdimi götürüb gedəcəyəm bu yer üzünnən,
anasını ağladacağam
               bu gerçək vücudumun.
Gəlməsən səni də peşman edəcəyəm doğulduğuna.
Gəl, ruhumun gerçək adamı,
               hardasan?!
Varmısan?!